یورپین لیڈرشپ اینڈ مینجمنٹ سیمینار اختتام پذیر: تین روزہ تربیتی پروگرام نے یورپ بھر کے قائدین کو یکجا کر دیا
ڈنمارک میں منہاج القرآن انٹرنیشنل کے زیرِ اہتمام تین روزہ یورپین لیڈرشپ اینڈ مینجمنٹ سیمینار مکمل ہوا، جس میں یورپ بھر سے قائدین، ذمہ داران اور وفود نے بھرپور شرکت کی۔ پروگرام کا مرکزی مقصد قیادت، نظم و ضبط، ٹیم ورک، مؤثر ابلاغ اور مستقبل کے قائدین کی تیاری کے لیے عملی حکمتِ عملی وضع کرنا تھا۔
Più informazioni su
ڈنمارک میں منہاج القرآن انٹرنیشنل کے زیرِ اہتمام تین روزہ تربیتی پروگرام 7 سے 9 اگست 2026 تک بھرپور علمی، فکری، تنظیمی اور روحانی سرگرمیوں کے ساتھ منعقد ہوا۔ پروگرام میں یورپ کے مختلف ممالک سے آنے والے قائدین، ذمہ داران اور وفود نے شرکت کی، جبکہ بڑی تعداد میں شرکاء نے آن لائن بھی سیمینار میں شرکت کی۔
تین روزہ سیمینار کا بنیادی مقصد قیادت اور انتظامی صلاحیتوں کو مزید مؤثر بنانا، مؤثر ابلاغ، باہمی مشاورت، ٹیم ورک، نظم و ضبط، خود احتسابی اور مستقبل کی قیادت تیار کرنے کے لیے عملی حکمتِ عملی تشکیل دینا تھا۔
پہلا دن: قیادت بطور خدمت، کردار اور ذمہ داری
افتتاحی نشست میں مقررین نے واضح کیا کہ قیادت محض منصب نہیں بلکہ خدمت، کردار، اعتماد اور ذمہ داری کا نام ہے۔ فیصل نجیب نے وقت کی پابندی، نظم و ضبط اور نیت کے موضوع پر عملی ورکشاپ پیش کی، جس میں وقت کو سب سے قیمتی امانت قرار دیا گیا۔
پروفیسر ڈاکٹر حسن محی الدین قادری نے آرگینک لیڈرشپ اور سرونٹ لیڈرشپ کے اصولوں پر گفتگو کرتے ہوئے قیادت کو خدمت، کردار، اعتماد اور مضبوط تعلقات کے ساتھ جوڑا۔ انہوں نے انصارِ مدینہ اور اسوۂ رسول ﷺ کو قیادت کا اعلیٰ نمونہ قرار دیا۔
دوسرا دن: مؤثر ابلاغ، مشاورت اور مضبوط ٹیمیں
دوسرے دن سیمینار میں مؤثر ابلاغ، اختلافِ رائے کی مثبت حل پذیری، نسلوں کے درمیان فاصلے کم کرنے اور متحد ٹیمیں تشکیل دینے پر خصوصی توجہ دی گئی۔
“Working with People & Teams” نشست میں بتایا گیا کہ ٹیم کی کامیابی کا انحصار افراد کی صلاحیتوں کو پہچاننے اور یکجا کرنے پر ہے۔
دوپہر کے سیشن میں پروفیسر ڈاکٹر حسن محی الدین قادری نے سننے، ہمدردی، شعور اور ذمہ داری کو کامیاب قیادت کے بنیادی عناصر قرار دیا۔
تیسرا دن: مستقبل کے قائدین کی تیاری
اختتامی دن قیادت کو مسلسل سیکھنے، خدمت، اعتماد اور ذاتی نشوونما کا سفر قرار دیا گیا۔ “My Leadership Action Plan” ورکشاپ میں شرکاء نے اپنی کمیونٹیز میں کم از کم دس مستقبل کے قائدین تیار کرنے کا عزم کیا۔
پروفیسر ڈاکٹر حسن محی الدین قادری نے اختتامی خطاب میں اخلاقی قیادت، حکمتِ عملی، ذمہ داری اور خدمت کے اصولوں پر روشنی ڈالی اور سیدنا ابوبکر صدیقؓ کے کردارِ ہجرت کو مثالی قیادت کا نمونہ قرار دیا۔
سیمینار کا نمایاں پیغام
تین روزہ سیمینار نے قیادت کو محض انتظامی اختیار کے بجائے خدمت، کردار، مشاورت، نظم و ضبط، مؤثر ابلاغ، ٹیم ورک، اعتماد اور مسلسل تربیت کے جامع تصور کے طور پر اجاگر کیا۔ شرکاء نے اس عزم کا اظہار کیا کہ یہاں حاصل ہونے والی تربیت کو اپنی کمیونٹیز کی بہتری اور آئندہ نسلوں کی قیادت سازی کے لیے استعمال کیا جائے گا۔
Accedi o registrati per commentare questo articolo.
L'email è richiesta ma non verrà mostrata ai visitatori. Il contenuto di questo commento esprime il pensiero dell'autore e non rappresenta la linea editoriale di QuiBrescia, che rimane autonoma e indipendente. I messaggi inclusi nei commenti non sono testi giornalistici, ma post inviati dai singoli lettori che possono essere automaticamente pubblicati senza filtro preventivo. I commenti che includano uno o più link a siti esterni verranno rimossi in automatico dal sistema.